X Міжнародная навуковая канферэнцыя «Аўтэнтычны фальклор: праблемы захавання, вывучэння, успрымання (памяці антраполага Зінаіды Мажэйкі)»

Беларускі дзяржаўны ўніверсітэт культуры і мастацтваў ў межах Года культуры ў Рэспубліцы Беларусь праводзіць юбілейную X Міжнародную навуковую канферэнцыю «Аўтэнтычны фальклор: праблемы захавання, вывучэння, успрымання (памяці антраполага Зінаіды Мажэйкі)», якая адбудзецца з 29 красавіка па 1 мая 2016 г.

Работа канферэнцыі будзе праводзіцца на базе Беларускага дзяржаўнага ўніверсітэта культуры і мастацтваў. Статус БДУКМ як установы з трывалымі акадэмічнымі традыцыямі і сувязямі, якая дае рознабаковую гуманітарную адукацыю, забяспечвае канферэнцыі ўніверсальны, антрапалагічны падыход да фальклору, які неабходны для яго захавання ва ўмовах глабалізацыйнага выкліку ХХІ стагоддзя.

У межах канферэнцыі адбудуцца:

• пленарнае, секцыйныя і заключнае пасяджэнні;

• ХIII этнаграфічны канцэрт «Фальклор беларускай глыбінкі»;

• майстар-класы вядучых спецыялістаў у галіне ўсходнееўрапейскага фальклору;

• канцэрт маладзёжных фальклорных гуртоў;

• экскурсія ў музей-скансэн на мастацкую рэканструкцыю валачобнага абраду беларусаў.

Плануецца работа секцый па напрамках:

Секцыя 1. Нематэрыяльная культурная спадчына і яе ахова.

Секцыя 2. Трансфармацыя відаў і жанраў аўтэнтычнага фальклору.

Секцыя 3. Семантыка і міфапаэтыка традыцыйнай абраднасці.

Секцыя 4. Традыцыйная культура ў кнізе, адукацыйнай прасторы і аўдыявізуальнай антрапалогіі.

Секцыя 5. Экалогія традыцыйнай мастацкай культуры.

Секцыя 6. Унёсак роду Шамякіных у вывучэнне і папулярызацыю фальклору (да 95-годдзя з дня нараджэння Івана Шамякіна).

Секцыя 7. Праблемы спеўнай этнафоніі.

Секцыя 8. Праблемы арганалогіі і марфалогіі музычных інструментаў.

Інфармацыйны ліст і парадак удзелу ў канферэнцыі глядзіце тут

Зварот да спісу

Форум для отзывов 1 не существует.