ЗАПРАШАЕМ НА ДНІ ЕЎРАПЕЙСКАЙ СПАДЧЫНЫ
Запрашаем прыняць удзел ва ўрачыстасцях, прысвечаных Дням Еўрапейскай спадчыны ў Беларусі па тэме "Індустрыяльная спадчына", якія адбудуцца
24 верасня з 17.00 да 20.00 на вуліцы Кастрычніцкай, 23-25 (дворык кавярні "Лаўка), г.Мінск. Акцыі да Дзён Еўрапейскай спадчыны ладзіць Міністэрства культуры Рэспублікі Беларусь сумесна з Інстытутам культуры Беларусі пры партнёрскай падтрымцы Галоўнага Упраўлення ідэалагічнай работы, культуры і па справах моладзі Мінскага гарвыканкама, Беларускага дзяржаўнага ўніверсітэта культуры і мастацтваў, ААТ “БелРостІнвестБуд”, ГА “МашЫна времени”, майстэрні друку “ Papera Press”. Да ўдзелу ў мерапрыемстве запрошаны прадстаўнікі Міністэрства культуры РБ, Міністэрства замежных спраў РБ, Савета Еўропы, пасольстваў замежных дзяржаў, прадстаўнікі буйных СМІ і шырокая грамадскасць. У праграме мерапрыемства: урачыстае адкрыццё, выстава рэтрааўтамабіляў, арт-базар, прэзентацыя графіці і буклета, адкрыццё фотавыставы У. Суцягіна, выступ сучасных паэтаў і музычных гуртоў. Форум для отзывов 1 не существует. |