Традыцыйная тэхналогія выпечкі жытняга хлеба16 студзеня 2013 г. ў Міністэрстве культуры РБ адбылося пасяджэнне Беларускай рэспубліканскай навукова-метадычнай рады па пытаннях гісторыка-культурнай спадчыны. Сярод іншага на разгляд Рады было вынесена пытанне пра наданне статусу гісторыка-культурнай каштоўнасці традыцыйнай тэхналогіі выпечкі жытняга хлеба. Традыцыя выпечкі жытняга хлеба ў вёсцы Дзеркаўшчына Глыбоцкага раёна Віцебскай вобласці з’яўляецца жывой унікальнай праявай лакальнай культуры. У вёсцы старажытную рэцэптуру і тэхналогію захоўваюць і практыкуюць некалькі сем'яў. Носьбіты традыцыі выпякаюць хлеб для ўласнага ўжывання, а таксама па замове аднавяскоўцаў, для розных святаў і мерапрыемстваў. Працэс прыгатавання жытняга хлеба ўключае некалькіх стадый: прыгатаванне квасніку (закваскі), квасу, на якім расчыняецца хлеб, замеску і выпечку хлеба. Для прыгатавання хлеба па традыцыйнай тэхналогіі выкарыстоўваюцца традыцыйныя прылады: качарга, драўляная лапата, дзежка, самаробныя бляхі, формы, драўляныя лыжкі. Традыцыя перадаецца з пакалення ў пакаленне ў сем'ях в. Дзеркаўшчына, а таксама праз мясцовую сістэму адукацыі. Яна прызнаецца носьбітамі ў якасці іх спадчыны. Захаванне рэцэптуры і тэхналогіі выпечкі хлеба садзейнічае ўмацаванню ідэнтычнасці мясцовага насельніцтва і вылучае культуру Глыбоччыны сярод іншых культур краіны. Форум для отзывов 11 не существует. |
|