Навіны

На сайце змешчана публікацыя Таццяны Валодзінай «ЦЯРЭШКА –СВЯТОЕ ДЗЕЛА»: Жаніцьба Цярэшкі на Лепельшчыне (паводле сучасных запісаў).

25 снежня ў мінскім клубе Рэпаблік пройдзе Калядны фэст. Распачне імпрэзу гурт калядоўнікаў РМГА "Студэнцкае этнаграфічнае таварыства".

У снежні 2014 г. у выдавецтве "Беларуская навука" выйшла кніга манахіні Васы (Веры Іванаўны Селівончык) "Беларускія народныя паясы. Тэхнікі вырабу. Арнамент". 

23 снежня 2014 г. у Беларускім дзяржаўным універсітэце культуры і мастацтваў адбудзецца справаздача 503 гр. кафедры этналогіі і фальклору па народным танцы (выкладчык – Мікола Козенка). 

 

10 снежня было прынята рашэнне ўключыць у дзяржаўны спіс гісторыка-культурных каштоўнасцей Абрад ваджэння Кусты на другі дзень Тройцы ў аграгарадку Лобча Лунінецкага раёна Брэсцкай вобласці; Велікодныя вербы на Гродзеншчыне; Традыцыйнае мастацтва маляваных дываноў Віцебскага Паазер'я.

Куставая лакальна-рэгіянальная парадыгма беларускай каляндарна-абрадавай культуры, у якую ўваходзіць абрад “Ваджэнне Кусты”, — унікальная з’ява, знак нацыянальнай адметнасці народнай культуры беларусаў у кантэксце славянскай традыцыі.