Навіны

Каля 400 прыхільнікаў старажытных народных традыцый з розных раёнаў Міншчыны прынялі ўдзел у абласным свяце народнай творчасці “Нясвіжскі фэст”, якое прайшло 16 чэрвеня 2018 г.

Прэс-рэліз праекта «Жывая культура» тэлеканала «Беларусь-3», які ўпершыню здымае цыкл тэлеперадач, прысвечаных элементам нематэрыяльнай культурнай спадчыны, уключаным у Дзяржаўны спіс гісторыка-культурных каштоўнасцей Рэспублікі Беларусь. Першая перадача пра Котчынскую кадрылю з Мастоўскага раёну выйдзе ў суботу 9 чэрвеня ў 10.30, паўтор - 10 чэрвеня ў 15.30, а таксама на старонцы праекта «Жывая культура» 

На другі дзень праваслаўнага свята Тройцы, 28 мая 2018 года, жыхары вёскі Навінкі Калінкавіцкага раёна здзейснілі перанос Свячы. «Свячой» у гэтай вёсцы называюць аздобленыя кветкамі васковую свечку і абраз святой Тройцы. Хата, дзе стаіць Свяча, з’яўляецца своеасаблівым вясковым храмам, куды можа прыйсці любы чалавек, каб памаліцца, папрасіць дапамогі, падтрымкі ў святынь. У раздзеле Фотагалерэя глядзіце фотарэпартаж са свята Ірыны Глушэц

У восьмы раз на Любаншчыне 9-12 ліпеня пройдзе Рэгіянальны фэст традыцыйнай культуры «Пятровіца». Напярэдадні фэсту 8 ліпеня арганізатары запрашаюць на «Пятроўскі танцавальны інтэнсіў» для пачаткоўцаў!

Майстр-клас па вырабу дудкі спосабам выкручвання з Ф.У.Муравейкам адбыўся 29 мая ў Салігорскім раёне. У раздзеле Фотагалерэя глядзіце фотарэпартаж сустрэчы з майстрам.