Абласное свята-конкурс “Вялікая вясельніца”, якое адбылося 26 кастрычніка 2019 г. у Расонах, сабрала каля 300 аматараў вясельных традыцый амаль з усіх раёнаў Віцебшчыны.
Упершыню “Вялікая вясельніца” прайшла ў 2010 г. ў Дуброўна як агляд-конкурс аўтэнтычных фальклорных калектываў. З таго часу раз у два гады аматары фальклору збіраюцца ў розных кутках вобласці, каб захаваць аўтэнтычныя вясельныя спевы і абрады Віцебшчыны.
На гэты раз свята пачалося з конкурсу-прэзентацыі абрадавых страў вясельнага стала з 16 раёнаў, што разгарнулася ў файе раённага цэнтра культуры і народнай творчасці. Тут можна было пабачыць вясельны “рагаты” каравай з Дубровеншчыны, рыбны вясельны стол з Расоншчыны, стараверскі – з Шаркаўшчыны. Глыбоцкі раён прадставіў стравы, што былі на сталах ад сватання да вясельнага застолля… Лепшым ў гэтым конкурсе стала народнае аматарскае аб’яднанне нацыянальнай кухні, фальклору і гульні “Расіца” Бігосаўскага СДК Верхнядзвінскага раёна.
Працягнулася мерапрыемства праглядам творчых праграм у намінацыі “Вясельныя спевы Віцебшчыны”, дзе змагаліся амаль 20 фальклорных калектываў, якія прадставілі мясцовыя і адметныя вясельныя песні сваіх раёнаў.
Былі на свяце і госці – ансамбль “Рассыпуха” з горада Себеж (Расія) і мастацкі калектыў “Упіте” Вілякскай краявой думы з Латвіі.
Перамогу ў конкурсе спеваў – званне лаўрэата І ступені падзялілі паміж сабой народны фальклорны калектыў “Медуніца” Адаменскага СДК Лёзненскага раёна і народнае фальклорнае згуртаванне “Азерыца” Езярышчанскага ГпДК Гарадоцкага раёна.
Таксама ў межах святочнага дзеяння ўпершыню адбыўся конкурс-імправізацыя на лепшую сваццю “Без мяне мяне ажанілі”. Тут свацця павінна была ярка, неардынарна, але на аснове мясцовых традыцый прадставіць жаніхоў і нявест. Тут перамога засталася за народным фальклорным калектывам “Купалінка” Каўшэлеўскага Дома фальклору Шаркаўшчынскага раёна.
Андрэй Струнчанка,
намеснік дырэктара Віцебскага АМЦНТ
Згодна Пратаколу пасяджэння журы абласнога свята-конкурсу вясельных абрадаў Вiцебшчыны ”Вялiкая вясельнiца – 2019“ дыпломамі лаўрэатаў узнагароджаны наступныя ўдзельнікі:
НАМІНАЦЫЯ ”ВЯСЕЛЬНЫ СТОЛ“:
Лаўрэат І ступені – народнае аматарскае аб’яднанне нацыянальнай кухні, фальклору і гульні ”Расіца“ Бігосаўскага СДК ДУК ”Верхнядзвінскі РЦКіНТ“
Лаўрэат ІІ ступені – народны клуб нацыянальнай кухні, фальклору і гульні ”Кумачкі“ Гатаўшчынскага СДК ДУК ”Глыбоцкі ЦТКіНТ“; народны фальклорны ансамбль ”Вечарынка“ ДУК ”Сенненскі РЦКіНТ“
Лаўрэат ІІІ ступені – народны клуб нацыянальнай кухні і беларускай гульні ”Дубровенскія прысмакі“ РДК ”Раѐнны цэнтр народнай творчасці і культурна-дасугавай дзейнасці Дубровенскага раѐна“; народны фальклорны калектыў ”Матырынская спадчына“ Матырынскага СК ДУК ”Ушацкі РЦКіНТ“
НАМІНАЦЫЯ ”ВЯСЕЛЬНЫЯ СПЕВЫ ВІЦЕБШЧЫНЫ“:
Лаўрэат І ступені – народнае фальклорнае згуртаванне ”Азерыца“ Езярышчынскага ГпДК ДУК ”Цэнтр традыцыйнай культуры і народнай творчасці Гарадоцкага раѐна“; народны фальклорны калектыў ”Медуніца“ Адаменскага СДК ДУК ”Лѐзненская ЦКС“
Лаўрэат ІІ ступені – народны фальклорны калектыў ”Сенькавіца“ Сенькаўскага клуба- бібліятэкіДУК ”Верхнядзвінскі РЦКіНТ“; народны фальклорны калектыў ”Кудзеліца“ РДК ДУК ”Раѐнны цэнтр народнай творчасці і культурна-дасугавай дзейнасці Дубровенскага раѐна“; народны фальклорны калектыў ”Крыніца“ Янкавіцкага СДК ДУК ”Расонскі РЦКіНТ“
Лаўрэат ІІІ ступені – Народны фальклорны ансамбль ”Галасы спадчыны“ Багатырскага СДК ДУК ”Полацкі РЦК“
”За зберажэнне аўтэнтычнай рэгіянальнай песеннай культуры“ – аўтэнтычны гурт в.Івесь, Івесьскі культурны гісторыка-турыстычны цэнтр ДУК ”Глыбоцкі ЦТКіНТ“; народны гурт аўтэнтычнай песні Андронаўскага СК ДУК ”Цэнтр культуры і народнай творчасці Пастаўскага раѐна“
НАМІНАЦЫЯ ”БЕЗ МЯНЕ, МЯНЕ АЖАНІЛІ“
Лаўрэат І ступені – народны фальклорны калектыў ”Купалінка“ Каўшэлеўскага ДФ філіялаДУК ”Шаркаўшчынскі РЦК“
Лаўрэат ІІ ступені – Святлана Траццякова, ДУК ”Расонскі РЦКіНТ“
Лаўрэат ІІІ ступені – Клаўдзія Рыжыкава, мастацкі кіраўнік Міхалінаўскага клуба-бібліятэкі ДУК ”Лѐзненская ЦКС“
Артыкулы пра свята ў СМІ:
«Вялікая вясельніца» собрала в Россонах почти 300 гостей (СБ, 2019)
В Россонах прошёл областной праздник свадебных обрядов «Вялiкая вясельнiца – 2019» (Витебские вести, 2019)
