Гурт Re1ikt прэзентаваў апрацоўку песні з Інвентара НКС

“Татачка” — інтэрпрэтацыя беларускай народнай песні з вёскі Новае Палессе Лельчыцкага раёна. Песенны стыль выканаўцаў, гурта “Палескія напевы”, унесены ў Інвентар НКС і мае статус нематэрыяльнай гісторыка-культурнай каштоўнасці краіны. Арыгінал можна паслухаць тут у раздзеле “Аўдыёфіксацыя”. Яго запісала даследчыца Ірына Мазюк ад жыхаркі Новага Палесся Аляксандры Аляксееўны Бялоцкай 1938 года нараджэння. Песню выконвалі ад імя маладой падчас традыцыйнага вяселля, у момант прыезду сватоў.

Паглядзець відэа з выкананнем песні гуртом Re1ikt і пачытаць пра сімволіку ў яе тэксце можна тут.

Алена Ляшкевіч