Фотавыстава "Быццёмасць" (Кінатэатр "Перамога", г. Мінск, вул. Інтэрнацыянальная, 20)

"Калі тое, што належыць асобе альбо хаўрусу асоб як яе альбо іхняя ўласнасць, – маёмасць, то спадчыне адпавядае найменне быццёмасць, і для таго, каб мець у ёй сваю долю і мець яе сваёй доляй, якая выпадае менавіта нам, трэба перш за ўсё быць". (Алесь Разанаў)

Арганізатарамі фотавыстаўкі з’яўляюцца Міністэрства культуры Рэспублікі Беларусь, Інстытут культуры Беларусі і кінатэатр "Перамога". Выстаўка ладзіцца пры актыўным удзеле Грамадскага аб’яднання Творчы саюз "Фотамастацтва". Удзел у выставачным праекце бяруць прафесійныя фатографы і фотааматары.