Выстава выцінанкі "Уснежка"З 19 снежня па 14 лютага 2013 года мастацкая галерэя TUT.BY запрашае на калядную выставу незвычайнай выцінанкі "Уснежка" ад Надзі Букі.
Выцінанка традыцыйна суправаджае нас падчас зімы. Яна паўсюль: ад сняжынак, зробленых у дзіцячых садах, да “мастацкіх” марозных узораў на вокнах кватэр. Ад іх неяк утульна і цёпла, калі за вокнамі зімовая сцюжа. Нездарма выцінанка стагоддзямі упрыгожвала беларускія хаты, бо гэтыя ажурныя папяровыя узоры нібы запрашаюць у нейкі фантастычны свет, па-каляднаму казачны. Творы Надзі Букі сапраўды незвычайныя. Яны здзіўляюць складанасцю тэхналогіі і свабодай фантазіі. Сняжынкі ў слоіках, мандарыны на снезе, нажніцы ў гурбе - гэта частка свету мастака, у які яна запрашае зазірнуць. Ці ведаеце Вы, што Піглас есць драўляныя прышчэпкі. Гласпія сочыць за закаханымі. Пува не можа жыць без гузікаў, а Міглас ад электраэнергіі становіцца салатавым? Выдуманыя персанажы ажылі на паперы і разляцеліся як сняжынкі.
Адкрыццё выставы: 19 снежня а 19-й гадзіне. Спецыяльны госць: музычны гурт HURMA. Галерэя TUT.BY. Вул. В. Харужай, 1а, 6-ы паверх (ГЦ “Сілуэт”). Штодзённа, акрамя выходных З 9.00 да 18.00 Тэл. +375 29 659 14 90 Уваход вольны.
Форум для отзывов 1 не существует. |