Фестываль фальклорнага мастацтва «Берагіня» перанесены на 2021 год

15.06.2020

Рэспубліканскі фестываль фальклорнага мастацтва «Берагіня», які кожныя два гады зьбіраў маладых пераемнікаў і носьбітаў традыцыйнай народнай культуры ў гарадскім пасёлку Акцябрскі Гомельскай вобласці, сёлета перанесены на 2021 год. 

Фестываль скіраваны на далучэнне дзяцей і моладзі, творчых айчынных суполак, суполак беларусаў замежжа да традыцыйных форм народнага мастацтва шляхам вуснага пераймання і на падтрымку носьбітаў аўтэнтычнай народнай спадчыны. Больш 20 год фальклорны фестываль натхняе сваіх удзельнікаў да выяўлення, аднаўлення, пераймання і распаўсюджвання народнай культуры ва ўсіх яе традыцыйных лакальных праяўленнях, да вывучэння і абагульнення фальклорнай практыкі свайго краю.

Творчыя спаборніцтвы дзяцей, моладзі і дарослых у танцах, спевах, музыцы, рамёствах і іншых відах народнага мастацтва праходзяць на высокім мастацкім ўзроўні і ствараюць захапляльнае відовішча.  Конкурсы фестывалю пераўтвараюцца ў сапраўднае фальклорнае свята, на якім у наступным годзе спадзяёмся ўбачыць усе гурты, што ўжо падрыхтавалі фестывальныя праграмы.

Удзельнікі турніру дзіцячых і маладзёжных фальклорных калектываў «З рога ўсяго многа»: 
«Ліпачка» з Драгічынскага раёна Брэсцкай вобалсці; 
«Глыбінка» з Дубровенскага раёна Віцебскай вобласці; 
«Нальшчаначка» са Смаргонскага раёна Гродзенскай вобласці; 
«Купалачка» з Клічаўскага раёна Магілёўскай вобласці; 
«Крыніца» з Петрыкаўскага раёна, «Цярэшкавы шчодрыкі», «Некрашынка» і «Праменьчыкі» з Акцябрскага раёна Гомельскай вобласці.

Удзельнікі конкурсу фальклорных калектываў «Спадчына»: 
Народны сямейны аўтэнтычны калектыў Лук’яновічаў з Драгічынскага раёна; 
Народны фальклорны калектыў «Кудзеліца» з Дубровенскага раёна; 
Фальклорны гурт «Талер» з г. Ліды; 
Фальклорны ансамбль «Крынічанька» Палыкавічскага СДК Магілёўскага раёна; 
Народны аўтэнтычны ансамбль «Спадчына» Любонічскага СДК Кіраўскага раёна; 
Народны фальклорны ансамбль «Хільчанка» з Жыткавіцкага раёна;
Вялікааўцюкоўскі фальклорны калектыў з Калінкавіцкага раёна; 
«Шчадрухі» і «Купалінка» з Акцябрскага раёна.

Умовы творчых спаборніцтваў, а таксама парадак работы фестывалю апублікаваны на сайце Аддзела ідэалагічнай работы, культуры і па справах моладзі Акцябрскага райвыканкама

Старонкі фестывалю «Берагіня» ў сацыяльных сетках: 
https://vk.com/bierahinia
https://www.facebook.com/bierahinia/

Прапануем невялікую падборку артыкулаў пра творчасць фальклорных калектываў:

У свеце фальклорнай музыкі (Светлы шлях, 2019)

Народны фальклорны калектыў «Кудзеліца» адсвяткаваў юбілей  (Дняпроўская праўда, 2020)
Дэвіз “Кудзеліцы”: зберагчы спадчыну (Дняпроўская праўда, 2015)

Сохраняя духовное наследие. Рассказываем о работе Полыковичского сельского дома культуры (Прыдняпроўская ніва, 2020)

Бярозаўцы і аўцюкоўцы – носьбіты этнамузычных традыцый Палесся (Калінкавіцкія навіны, 2019);
Аўцюкі зноў сабралі ўсю краіну (Калінкавіцкія навіны, 2019);

Шануюць народную песенную спадчыну, даражаць ёю ў вёсцы Хільчыцы Жыткавіцкага раёна (Новае Палессе, 2015)