22.01.2020
Завяршыўся сезон калядных ігрышчаў зацягваннем Каляды на дуб у Новінах Бярэзінскіага раёна 21 студзеня! Сёлета гаспадыню з куццёй і калядным снапом прыйшлося везці да дуба не на санках, як звычайна, а на калёсах.
На Бярэзіншчыне зацягнулі Каляду на дуба (2020, Бярэзінская панарама)
Завяршэнне калядных святаў, якія не дачакаліся снегу, здымаў тэлеканал "Беларусь 1". У мінулым годзе провады Каляды як патрабуецца, на санках, здымала праграма "Жывая культура" тэлеканала "Беларусь 3". Традыцыі завяршэння Каляд у розных мясцінах Беларусі апісала Алена Ляшкевіч у артыкуле Каляда на дуб — да наступнага года (Новы час, 2019)
Традыцыя шчадравання "Конікі" ў Давыд-Гарадку ў пачатку 2020 г. атрымала статус гісторыка-культурнай каштоўнасці і найбольшую колькасць фота- і відэарэпартажаў:
"Конікі бягуць": як у Давыд-Гарадку адгулялі Шчадрэц (euroradio.fm, 2020). Ужо больш за сто гадоў увечары 13 студзеня па Давыд-Гарадку бегаюць "Конікі" Як толькі на небе з'яўляецца першая зорка, па мястэчку ляліць гук рога і дае старт святу. Гуртоў, на чале якіх бяжыць конік, у Давыд-Гарадку ў гэты вечар багата. Яны спыняюць машыны і мінакоў і просяць гасцінцы. І натуральна, ходзяць па дварах: пад вокнамі, з дазволу гаспадароў, спяваюць танчаць пад гармонік ды бубен, жадаюць дабра, багацця і “коб за год дождалі”. На Палессі дагэтуль людзі чакаюць дзяцей і дарослых, якія ходзяць у Каляду ці Шчодрыка, рыхтуючы напярэдадні гасцінцы ды грошы.
Па вуліцах каня вадзілі ... (media-polesye.by, 2020). Свята на Шчодры вечар у Давыд-Гарадку ў 2020 годзе сабрала неверагодную колькасць гасцей, а калядоўшчыкі праявілі фантазію і талент. Ва ўнікальным Калядным абрадзе сёлета паўдзельнічаў і марушкінскі гурт з Падмаскоўя. Шчадраваць з рэкрутамі хадзіў Гедымінас Таранда. Як усё праходзіла, глядзіце ў відэасюжэце Медыя-Палесся і рэпартажах іншых тэлеканалаў:
«Больш запрашаеш – больш дадаецца». Праводзім Щодрыкі разам з калядоўшчыкамі з Давыд-Гарадка (CТВ, 2020)
У Давід-Гарадку штогод праходзяць "Конікі” (Беларусь 1, 2020)
Колядки со звездой: «коники» в Давид-Городке (ОНТ, 2020)
Капыльшчына ў чарговы раз вітала ўсіх, хто не ўпусціў магчымасці стаць сведкам адметнага каляднага абраду “Цары”, унесенага ў Дзяржаўны спіс гісторыка-культурных каштоўнасцей Беларусі і Спіс нематэрыяльнай культурнай спадчыны ЮНЕСКА. “Царам” у мінулым годзе быў прысвечаны выпуск тэлепраграмы "Жывая культура", а ў гэтым рэпартаж здымаў тэлеканал СТВ: “Пабудуць “Цары” – аж адрэналін паявіцца!”. Да Шчадраца ў аг. Семежава пачыналі рыхтавацца яшчэ з восені і святкавалі з асаблівым размахам. Моладзь ладзіла разнастайныя калядныя гульні, а вячэра ў гэты дзень была асабліва пышнай і багатай на стравы. Пра гісторыю і традыцыі свята распавяла калумніст Sputnik Ларыса Мятлеўская: Шчадрэц у Семежава: святкуем смачна (bel.sputnik.by, 2020)
У в.Балашэвічы Глускага раёна мужчыны ходзяць шчадраваць з казламі-бабылямі, а жынчыны і дзеці асобна. Сёлета СБ апублікавала фотарэпартаж са свята, а ў 2017 г. Каляды ў Балашэвічах здымала тэлеперадача "Наперад ў мінулае"
Праект СБ "Необычайные деревни" у 2020 г. зрабіў рэпартажы "Куры" у Віркаве і Калядныя песні ў Белаушы
На англійскай мове быў апублікаваны артыкул пра "Жаніцьбу Цярэшкі":
Fake Wedding Instead Of A Christmas Party? Only In Belarus… (BelarusFeed, 2020)
Паглядзелі, як праходзіць народнае абрадавае ігрышча «Ката пячы» (Звязда, 2019). Для шырокай публікі гульню «Ката пячы» ўпершыню паказалі ў сярэдзіне 80-х у праграме «Запрашаем на вячоркі», якая некалі ішла на айчынным тэлебачанні. У 2019 г. 27 лістапада саўдзельнікамі і назіральнікамі яе сталі не толькі журналісты «Звязды», але і тэлевізійнікі з «Беларусь 3» — у хуткім часе пра скірмантаўскага «ката» раскажа выпуск праграмы «Жывая культура».
Фота А. Кляшчука
